БИКИЧ – У рамикох пририхтованя за нову першенствену сезону у Медзиопштинскей фодбалскей лиґи Срим, ґрупа Заход, фодбалере ОФК Бикич одбавели по тераз два пририхтуюци стретнуца.
У Бикичу страцели од екипи Трґовачки зоз Сримскей Митровици зоз 2:1, а у Шидзе бавели нєришено 2:2 процив Радничкого.
Як нам гварел предсидатель Управи клуба ОФК Бикич Далибор Гнатко, планує ше и пририхтуюци стретнуца процив Сримских Лазох у Републики Горватскей як и процив Сримцу з Беркасова.
Нова першенствена сезона би мала почац на нєдзелю 23. авґуста.