СИВЕЦ – У Доме култури Сивец нєшка, 18. марца, почина 71. Општинска смотра театралней творчосци у кулскей општини з назву „Велимир Сандич Велько”, на хторей того року участвую пейц представи.
На Општинскей смотри ше по 25. марец змагаю представи драмских аматерох з Крущичу, Червинки, Кули, Руского Керестура и Сивцу.
Драмски студио „АРТ” Дому култури Руски Керестур на Општинскей смотри участвує з представу „Боинґ-Боинґ” Марка Камелотия, у режиї Владимира Надя Ачима, а селектор Давид Кецман представу будзе патриц у Керестуре, под час єй виводзена на Драмским мемориялє Петра Ризнича Дядї.
Интересантне же того року исти драмски текст – „Боинґ-Боинґ” – на сцену поставели и драмски аматере Дому култури зоз Сивцу, у режиї Ани Илич.