Отримане преподаванє о Фенґ шуию

автор сас
886 Опатрене

ҐОСПОДЇНЦИ – Всоботу, 14. юлия, у просторийох Месней заєднїци Ґосподїнци отримане преподаванє о Фенґ шуию, хторе толкує як орґанизовац и лїчиц свойо животне окруженє. О тим бешедовала Лидия Боят, майсторка Фенґ шуия.

Лидия Боят потолковала же Фенґ шуи стара китайска наука о ускладзованю живота у согласносци зоз природу чловека и универзумом. Вона лоґика, нє релиґия. Тиж бешедовала о ушореню обисца на основи Ло-шу таблїчки, алє дала и вецей общи совити котри треба применьовац у каждодньовим живоце.

Преподаванє було досц нащивене, а присутни у публики, и младши и старши, мали вельо питаня. Орґанизатор преподаваня було Еколоґийне здруженє „Баґрен били” зоз Ґосподїнцох у сотруднїцтве зоз валалску Месну орґанизацию инвалидох роботи.

ПОВЯЗАНИ ТЕКСТИ