БИКИЧ ДОЛ – На швето Стретениє Господнє, 15.фебруара, отримане стретнуце вирних зоз Бачинцох, Шиду, Беркасова и Бикичу на чолє з о. Михайлом Режаком, парохом у Шидзе и деканом сримским, о.Дарком Рацом парохом у Бачинцох и о. Владимиром Еделинским Миколком, парохом у Беркасове и Бикичу.
Стретнуце почало у церкви Успения Пресвятей Богородици у Бикичу з Молебеном до Пречистей Дїви Мариї. Молебен служели о. Дарко Рац и о. Владимир Еделински Миколка, хтори наглашел же як ше старенки Симеон стретнул зоз Исусом, так ше стретли и вирни зоз спомнутих парохийох.
После Молебена, у Пасторалним центре о. Дарко Рац отримал кратше викладанє на тему нашей грекокатолїцкей вири, а викладанє збогацене зоз одвитуюцима сликами и провадзацим текстом на видео биму.
После викладаня, предлужене друженє вирних зоз послуженьом хторе порихтали домашнї Бикичанки и Бикичанє, а Церковни одбор з того валалу и иницировал таке стретнуце.