НОВИ САД – У рамикох манифестациї Днї України у Новим Садзе, всоботу, 20. мая, у Културним центру Нового Саду отримани Округли стол з тему „Присельованє Українцох и Руснацох до Войводини/Сербиї“.
На Округлим столє о присельованю Українцох на тоти простори бешедовали Йозо Сапун и Василь Дацишин, док о присельованю Руснацох и їх културним живоце од 18. вику по нєшка бешедовали др Дюра Гарди, Саша Сабадош и Микола М. Цап.
После вичерпних викладаньох, до розгварки ше уключела и публика, котра з интересантнима питанями збогацела програму и указала потребу за цо частейшима стретнуцами на тоту тему.
Орґанизатор Округлого столa була Амбасада України у Беоґрадзе и Културни центер Нового Саду.