НОВИ САД – Городска библиотека у Новим Садзе и того року орґанизує роботу „Библиотеки на Штранду”, хтора почала вчера, а тирва по 1. септембер. „Библиотека на Штранду” орґанизованя у сотруднїцтве з ЯКП „Городске желєнїдло”.
Шицки нащивителє Штранду годни задармо пожичиц кнїжку за читанє, пречитац новини, медзи нїма и „Руске слово”, и присуствовац на рижних програмох.
Кнїжки мож вжац з членску карту Городскей библиотеки, лєбо з особним документом, а у сотруднїцтве з Аґенцию „Херор Медия Поинт”, хасновательом буду доступни и новини на язикох националних меншинох.
Спомнута аґенция и Центер за розвой меншинских и локалних емдийох и того року у „Библиотеки” буду реализовац активносци на промоциї язикох и култури националних меншинох котри жию у Новим Садзе.
Роботни час „Библиотеки на Штранду” кажди дзень од 10 до 20 годзин.