НОВИ САД – Под мотом „А радосц писню шпива” вчера у Сримскей Каменїци, у хижи у хторей ше народзел Йован Йованович Змай, отворени 61. „Змайово дзецински бависка”, а буду тирвац по 10. юний.
На вецей як 20 локацийох у городу буду участвовац коло 7 000 дзеци и млади вєдно зоз поетами и уметнїками. За учашнїкох тей манифестациї орґанизовани приєм у Городскей хижи.
Попри новосадских дзецох, медзи учашнїками тогорочних „Змайових бавискох” и числени госци зоз цалей Сербиї.
Седемдньова програма за наймладших на „Змайових бавискох” подрозумює друженє зоз писателями, ришни представи и вистави.
„Змайово дзецински бависка” служа на пиху Новосадяном, а числени локациї на котрих ше того року будзе отримовац програма представяю децентрализацию културних змистох, визначел член Городскей ради за културу Далибор Рожич.
Попри дзецинских бавискох, програму дополня и совитованя на тему родних питаньох и класичней литератури за дзеци котри позбераю фаховцох зоз реґиона.