ШИД – На пригодней шветочносци у сали Скупштини општини Шид преглашени найлєпши спортисти за прешли рок у традицийней акциї „Коперникус“ РТВ Шид и Спортского союзу Општини.
У поєдинєчней конкуренциї при хлопох за найлєпшого преглашени Ґоран Смолич, член Каякашского клубу „Филип Вишнїч“ з Вишнїчева, а у женскей конкуренциї то Мария Танцик, членїца Бициґлистичного клубу „Єднота“ зоз Шиду.
За найлєпшу хлопску екипу преглашени Одбойкашски клуб „Шид“, а за найлєпшу женску екипу Женски одбойкашски клуб „Макс“ зоз Шиду.
Медзи наградзенима у вецей катеґорийох, Награду за животне дїло достал 72-рочни Милан Котарлич, рукометни роботнїк.
Спортистох привитал и на успихох им повинчовал предсидатель Општини Шид Предраґ Вукович, котри наглашел же шидска општина, гоч ма скромнєйши буджет, три одсто з буджету опредзелує за спорт.