Представена кнїжка „Вибрани писнї и проза” Владимира Сабо-Дайка

автор злк
1.2k Опатрене

КОЦУР – У Подручней канцелариї Националного совиту Руснацох у Коцуре всоботу, 28. юлия, отримана промоция кнїжки покойного коцурского културного дїяча Владимира Сабо-Дайка „Вибрани писнї и проза”.

Промоцию кнїжки, котру орґанизовало Дружтво за руски язик, литературу и културу, отворел домашнї у такволаним Руским доме Микола Ґубаш Медо, а проф. др Юлиян Рамач присутним бешедовал о роботи Дружтва за руски язик, литературу и културу и о тим ше хто помогнул же би кнїжка була видрукована.

Рецензентка мр Гелена Медєши присутних упознала о файти поезиї и прози котру писал Владимир Сабо-Дайко и дала вичерпну анализу його дїлох.

Биоґрафию Владимира Сабо-Дайка, котру написал проф. др Михайло Фейса, пречитала Силвия Маґоч, а виривки зоз кнїжки читали Катарина Ґайдош, Єлена Чордаш и Дария Чордаш. Предсидатель КУД „Жатва” Микола Шанта бул модератор програми, а виприповедал и даскельо анеґдоти котри дожил зоз бачиком Владимиром Сабо-Дайком.

ПОВЯЗАНИ ТЕКСТИ