КУЛА – У рамикох процесу за снованє Локалней акцийней ґрупи, у Малей сали Скупштини општини Кула вовторок, 7. фебруара отримане ище єдно преподаванє за представительох явного, приватного и цивилного сектору и польопривреднїкох з местох кулскей општини, а на преподаваню присуствовали и представителє здруженьох и установох з Руского Керестура.
Вовторок отримане преподаванє о условийох и процедури за конкурованє за средства з ИПАРД програмох, а як поведзене, до того би ше мали уключиц представителє и ключни актере шицких местох у кулскей општини.
Преподаваня реализую Микро ґрупа з Нового Саду и Канцелария за локални економски розвой Општини Кула, а после шицких отриманих ткв. тренинґох, будзе основана и Локална акцийна ґрупа.