СЕРБИЯ – Школяре котри доставаю фамелийну пензию, котри старши од 15 роки, потвердзенє о школованю маю доручиц до конца септембра, а студенти до конца октобра, здогадую з Републичного фонду за пензийне и инвалидске осиґуранє. Потвердзеня же ше школую маю доручиц же би им фамелийна пензия нє була претаргнута.
Потвердзеня мож придац особнє, лєбо послац по пошти до филияли Фонду хтори им виплацує пензию, а на потвердзенє обовязно треба написац матичне число родителя после котрого ше достава пензию.
Школяре фамелийну пензию маю право доставац по законченє школованя, найпознєйше до наполнєтих 20 рокох, а студенти котри ше школую на високошколских установох до 26 роки.