ВЕРБАС – Парохиянє у Старим Вербаше Крачун преславюю шветочно и радосно у своїх обисцох и на службох Божих у церкви Покрова Пресвятей Богородици.
Служби на Крачун служел парох старовербаски о. Алексий Гудак, котри у казанї пречитал винчованку владики кир Георгия Джуджара, а вчера, на Други дзень Крачуна, у службох було мированє.
У церкви Св. Владимира у Новим Вербаше церква на крачунских службох, хтори служел о. Иґор Вовк, була полна. У казанї на Крачин пречитана винчованка владики Георгия Джуджара, а о. Вовк визначел и же Крачун може буц Крачун лєм кед ше радосц Христового народзеня подзелї з тима цо до церкви нє могли присц.
О. Вовк крачунску Службу Божу служел и у Змаєве, дзе, як и у Новим Вербаше, було и мированє. Як за Рутенпрес гварел о. Вовк, на Крачун у Новим Вербаше було и шпивачох.