РУСКИ КЕРЕСТУР – Члени Здруженя спортских рибарох „Коляк” з Руского Керестура всоботу, 1. априла, посадзели ище 180 древка.
Прейґ дзешец члени Здруженя з добродзечну роботну акцию 60 древка посадзели на базену, а 120 у часци лєшику коло беґелю (з лївого боку лалицкого мосту), хтори источашнє буду и защитни пас.
Предсидатель Здруженя рибарох Михайло Пашо визначел же 120 младнїки лїпи за терашню роботну акцию подаровал керестурски приврднїк Иґор Рац, власнїк подприємства за продукцию меблю „Комфорт”, як и трактор и машинску вартачку, з хтору на садзеню управял роботнїк „Комфорту”.
Попри лїпи посадзени и древка сибирского бресту, хтори рибаром остали од скорейших акцийох, так же з терашню, и роботну акцию 25. марца, члени Здруженя рибарох тей яри коло беґелю посадзели коло 430 древка.
