ЗОМБОР/РУСКИ КЕРЕСТУР − Млади спортисти Рукометного клубу „Русин” у рамикох змаганя Лиґи младших катеґорийох бавели на турниру у Зомборе на хторим перше змаганє страцели, а у другим однєсли тварду побиду.
На першим змаганю з екипу „Ґрафичар” зоз Бездану достали 15, а дали 8 ґоли, док друге змаганє процив рукометашох „Апатину” одбавели 12:5, дзе ше окреме визначел ґолман Зорич, як и цала орґанизация одбрани.
Русиновци после того Турниру ше находза на штвартим месце на таблїчки у Першей лиґи А ґрупи, медзи екипами „Апатин”, „Зомбор”, „Далматинац”, „Ґрафичар” з Бездану, „Спартак” зоз Суботици” и „БСК 2012”.
У ґрупним змаганю ище маю одбавиц штири турнири, а тот у Руским Керестуре будзе 31. марца. На тот завод младих рукометашох „Русину” пририхтали Злата Паплацко и Дзвоно Планчак.