ШИД – У 10. колє Општинскей фодбалскей лиґи Шид, „Сримец” у Беркасове победзел ОФК „Бачинци” зоз 5:1, а „Єднота” у Шидзе страцела од „Ердевику 2017” зоз 3:0.
На таблїчки „Сримец” перши зоз 25 бодами, кельо ма и „Єднота” на другим месце, алє Беркасовчанє маю лєпшу ґол розлику, а ОФК „Бачинци” пияти зоз 13 бодами.
На нєдзелю у остатнїм, 11. колє єшєньскей часци першенства, у Ґибарцу буду бавиц „Синдєлич” и „Сримец”, „Єднота” одходзи на госцованє до Батровцох процив „Омладинца”, а ОФК „Бачинци” дочекую „Єдинство” з Люби.