ШИД – У 18. колє Општинскей фодбалскей лиґи Шид, фодбалере „Сримцу” з Беркасова нєсподзивали фодбалску явносц з побиду над „Єдинством” на госцованю у Люби, аж зоз 5:1.
ОФК „Бикич” з 1:0 победзел „Синдєлич” на госцованю у Ґибарцу, ОФК „Бачинци” у Вашици победзел „Напредак” зоз 3:2, а у тим колє шлєбодна була екипа шидскей „Єдноти”.
На таблїчки ОФК „Бикич” перши зоз 40 бодами, кельо ма и другопласована „Бинґула”. ОФК „Бачинци” треци зоз 34, „Єднота” седма ма 20, а „Сримец” з 11 бодами на єденастим, предостатнїм месце.
На нєдзелю, у 19. колє, ОФК „Бикич” дочекує „Єдинство”, ОФК „Бачинци” бави процви „Синдєличу”, „Сримец” дочекує „Борец”, а Напредак бави процив „Єдноти”.