СУБОТИЦА – У орґанизациї Здруженя бунєвацких Горватох „Дужиянца”, централна преслава тогорочнeй 107. Манифестациї „Дужиянца” будзе отримана на нєдзелю, 13. авґуста, а богата духовна и културна програма од штвартку, 10. авґуста, провадзи законченє жатвових святочносцох.
„Подзекованє Богу и похвала чловекови” – мото тогорочней манифестациї хтора почала з отримованьом службох божих по валалох коло Суботици.
Централна програма, на нєдзелю, почнє зоз Службу Божу у катедрали св. Терезиї Авилскей одкаль у святочней колони шицки нащивителє руша на централну городску площу дзе городоначалнїкови придаю хлєб з нового жита. На концу, шицки одтанцую вельке коло.
У рамикох манифестациї уж отримани даскельо програми як цо промоциї кнїжкох, отверанє вистави роботох зоз слами, концерти и други културни и духовни змисти.