ЖИТИШТЕ/НОВИ САД – Танєчна ґрупа ветеранох Руского културного центру з Нового Саду всоботу, 11. марца участвовала на 21. Стретнуцох ветеранох у фолклору „Споменар” у Житишту.
Пред публику у Житишту танєчнїки-ветеранє РКЦ виведли Руски танци, у хореоґрафиї Миломира Шайтоша, цо, як за Рутенпорес гварела директорка РКЦ Наташа Макаї Мудрох, вироятно було перши раз же ше патраче у тей часци Банату стретли з нашима танцами и Руснацами и наградзели их з длугим аплаузом.
„Споменар” будзе отримани ище штири шлїдуюци соботи, по 8. април, а на початней часци Стретнуцох участвовали и танєчни ансамбли ветеранох з Нового Саду, Нового Итебею, Зренянину, Алибунару, Велького Ґрадишта и домашнї.
На отвераню Стретнуцох, спред Покраїнского секретарияту з образованє, предписаня, управу и национални меншини-национални заєднїци бешедовала Тияна Павлов, котра источашнє и член танєчного ансамблу ветеранох новосадского РКЦ.