НОВИ САД – Управни одбор Явней медийней установи Радио-телевизиї Войводини (РТВ) сообщел же на схадзки отриманей пондзелок, 19. юния, меновал одвичательних редакторох редакцийох радия и телевизиї на язикох националних меншинох.
Як наведзене, шицки редакторе меновани на предкладанє ґенералного директора РТВ после оконченей потребней процедури, а у складзе зоз Статутом РТВ и достатих позитивних думаньох од националних совитох националних меншинох.
За редакторку Редакциї на руским язику на Трецей програми радия менована Татяна Беук-Латяк, на словацким язику Мартин Пребудїла, а за редактора на українским язику Василь Дацешен.
За редактора Редакциї на мадярским язику на Другей програми телевизиї меновани Арон Сакач, на румунским язику Дєордєта Секошан, на ромским язику Петар Николич, на українским язику Мария Виславски, а за редактора на бунєвским язику Наташа Стантич.