МИКЛОШЕВЦИ (ГОРВАТСКА) – У Миклошевцох, у Републики Горватскей, того викенду, 26. и 27. авґуста будзе отримана XXXII по шоре Културна манифестация „Миклошевци 2017”.
У соботовей програми, после Служби Божей, у просторийох основней школи, на 18,30 г., будзе отворена вистава ґобленох, а потим поетско-музични вечар. У програми Будзе участвовац писатель Микола Шанта, котри будзе бешедовац о творчосци Агнети Бучко Папгаргаї, а Ана Римар отримани солистични концерт. Свой цаловечарши наступ будзе мац и домашнє КУД „Яким Ґовля”.
На нєдзелю, после покладаня венцох на 10,45, а потим и Служби Божей, коло 11 годзин очекує ше приход бициґлистох з Руского Керестура, а смотра фолклору „Поздрав ровнїни”, на хторей наступя вецей културно-уметнїцки дружтва, почнє на 15 годзин.
На тогорочней Манифестациї „Миклошевци 2017”, котра будзе отримана под покровительством Совиту за национални меншини Републики Горватскей, Општини Томпоєвци и Союзу Руснацох Републики Горватскей, буду присуствовац и представнїки Националного совиту Руснацох зоз Сербиї.