У Бикичу представени коляди и крачунски винчованки

автор влдї
855 Опатрене

БИКИЧ – Всоботу, 15. децембра, у Доме култури у Бикичу отримана промоция компакт диска зоз колядами и крачунскима винчованками под назву „Радуйте ся вси людиє“ хторе видало КПД „Иван Котляревски“.

На промоциї шпивала шпивацка ґрупа „Бикичанки“, а винчованки з компакт диска интерпретовали дзиячка Любица Роман, потим Зденко Лазор, Марина Шолтис, Митро Боцко, Дора Боцко и Деян Бобаль, а зняти и тропар „ Рождество твоє“.

Як госц на промоциї наступела Женска шпивацка ґрупа словацкого СКУД „Єднота“ зоз Шиду хтора виведла венчик словацких народних шпиванкох.

Под час промоциї, нащивителє мали нагоду патриц документарни филм хтори руска редакция РТВ зняла 2010. року у Бикичу о традициї и обичайох Бикичаньох на Вилїю.

Промоциї компакт диску плановани у и Сримскей Митровици и Новим Садзе, бо на тот способ Бикичанє жадаю представиц традицию хтору принєсли зоз старого краю и зачували по нєшка.

ПОВЯЗАНИ ТЕКСТИ