ГУМЕНЕ (СЛОВАЦКА) – Прешовски архибискуп и митрополит Ян Бабяк на Вельки штварток, 13. априла, зоз своїм декретом преглашел нови викарият у Владичестве – Гуменски архиепархиялни викарият зоз шедзиком у Гуменим. За першого гуменского викара кир Бабяк меновал о. др Мартина Злацкого, пароха грекокатолїцкей парохиї у Гуменим.
Преглашенє Гуменского викарияту и менованє о. Злацкого за гуменского викара на спомнути дзень було у Катедрали св. Йоана Крестителя у Прешове на концу Архиєрейскей Служби Божей, хтору вєдно з митрополитом Бабяком сослужовали и помоцни прешовки владика кир Милан Лах и емеритни помоцни владика Пражского апостолского еґзархату кир Яй Евґен Кочиш и числени священїки.
До Гуменского викарияту припадли парохиї Гумене, Ганушовци над Тополю, Медзилаборци, Снїна, Стропков, Вранов над Тополю-место и Вранов над Тополю-Чемерне.
Вчера, на Шветли пондзелок, на Архиєрейскей Служби Божей у Гуменим прешовски архибискуп и митрополит Ян Бабяк, на окремней шветочносци першого викара гуменского уведол до новей служби.