РУСКИ КЕРЕСТУР – Вчера вечар у Майсторским доме у Руским Керестуре приказани „Неруда”, перши з пейцох филмох у рамикох „Турнеї Шлєбодней зони”, односно з прешлорочного филмского фестивалу „Шлєбодна зона”, хтори ше отримує у Беоґрадзе.
Филм „Неруда”, у режиї Пабла Лараина, приповедка о поетови, членови чилеанского Сенату котри ше спроцивел диктатури власци, та ризикує власни живот за шлєбоду и роботнїцки права.
У Майсторским доме у Керестуре нєшка и на ютре буду приказани ище штири документарни и бавени филми у рамикох спомнутей турнеї. Проєкциї филмох почина на 19,30 годзин, а уход шлєбодни.
„Турнея Шлєбодней зони” по местох у Сербиї почала 18. априла, тирва по 19. юний, а вибрани филми з програми „Шлєбодней зони” того року буду приказани у 44-ох местох у Сербиї.