РУСКИ КЕРЕСТУР – Медзинародни дзень здравей поживи, 16. октобер, з виставу и деґустацию здравей поживи у школским голу вчера означени и у Основней и штреднєй школи „Петро Кузмяк” у Руским Керестуре.
Виставу овоци, желєняви, чаю, сокох и здравих лакоткох пририхтали школяре з Основней и Штредней школи, з наставнїцами биолоґиї Єлену Шомодї и Терезу Катона, и так здогадли на здрави звикнуца у костираню, цо и циль означованя того дня у коло 150 жемох швета.
