НОВИ САД – У дзеветнастим тогорочним чишлє новинох „Руске слово” рубрика „Тижньовнїк” читачох информує о средствох за софинансованє явного информованя у општинох Кула и Жабель, а на „Наших местох” зазначени и активносци Центру за социялну роботу у Шидзе, як и дзеведзешатрочнїца роботи автоматскей централи у Новим Садзе.
На бокох „Економиї” текст о пресадзованю паприґи у Руским Керестуре, а „Култура и просвита”, медзи иншим, пише о означованю ювилею Хору „Гармония”, як и о Дню школи у Коцуре.
„Мозаїк” представя Ивана Салонского, а рубрика „Людзе, роки, живот” панїматку Марусю Рац з Бачинцох и Невенку Бобаль з Бикичу, котра у окремней емисиї на РТС представела руску кухню и традицию.
„Духовни живот” пише о Кирбаю у Руским Керестуре и означованю Дзуря по наших парохийох, а попри резултатох спортских екипох з наших местох, на бокох „Спорту” зазначени и успих керестурских каратистох на Европским першенстве.