У новим „Руским слове”

автор ядю
943 Опатрене

НОВИ САД – У тогорочним 41. чишлє новинох „Руске слово” у рубрики „Тижньовнїк” пише о активносцох Националного совиту Руснацох, а ту и звит о нащиви представнїкох „ЛЕМ.фм” руским институцийом.

Рубрика „Нашо места”, окрем висткох з Ґосподїнцох, Сриму и других местох, спатра роботу канцелариї матичарох, на тот завод у Новим Садзе.

На „Економиї” зазначене як ше фамелия Маґоч з Коцура знаходзи у продукциї лїсковцох, ту и звити зоз Сайму лову, риболову и спорту „Лорист” и першей реґионалней Конференциї поднїмательох у Новим Садзе.

„Култура и просвита” дава звит зоз Медзинародного мултижанровского фестивала руского филму „Русин филм фест” у Шидзе и означованю Дня учительох у Дюрдьове, а провадзени и програми у наших школох у рамикох Дзецинского тижня.

У „Мозаїку” розгварка з Ану Римар, а зазначене и як було на „Маткованю” у новосадским Руским културним центру. На бокох рубрики „Людзе, роки, живот” читаче можу упознац фамелию Колошняї з Канади и Душана Михалека, музиколоґа з Израїлу, а ту и нове предлуженє фельтону „Як (нє) скапал рокенрол”.

У рубрики „Духовни живот” пише о Стретнуцу за младих католїкох Сербиї и о настави виронауки у Дюрдьове, док на „Спорту” пише о порушованю роботи Атлетского клубу „Русин” у Руским Керестуре.

Додаток у тим чишлє „Руске слово у швеце”.

ПОВЯЗАНИ ТЕКСТИ