НОВИ САД – Конкурс за змесценє студентох до студентских домох на териториї цалей Републики Сербиї розписує Министерство просвити, науки и технолоґийного розвою. До осем студентских домох у Новим Садзе за студентох першого року основних студийох конкурс будзе тирвац од 3. по 18. септембер, а од вкупно 2 713, єст 300 шлєбодни места.
Потребну документацию треба на час придац, а як велька помоц шицким студентом нєдавно видруковани „Водзач за студентох” котри видал новосадски Студентски центер. У нїм ше находза податки о шицких студентских домох, їх капацитетох и терминох придаваня потребней документациї. „Водзач за студентох” обявени и у електронским виданю, а мож го превжац и на тим ЛИНКУ.
На конкурс ше, по податкох зоз прешлих рокох, приявя коло 1 000 студенти, а шлєбодни места єст лєм коло трецину.