Шветочно означене храмове швето Кирбай

автор влдї
570 Опатрене

БАЧИНЦИ – Вчера, 31. отобра, на швето Святого апостола и євангелисти Луки, церква и вирни означели храмове швето Кирбай.

Шветочну Службу Божу предводзел о. Владислав Варґа, парох зоз Сримскей Митровици и Беоґраду, а сослужели ище 14 паноцове зоз нашого Апостолского еґзархату, Крижевского владичества, як и даскельо римокатолїцки паноцове.

У казанї о. Михайло Режак, парох у Шидзе и декан сримски, бешедовал о живоце Святого Луки хтори, як визначел, зохабел лїкарску професию и рушел по Христовей драги провадзаци апостола Павла и ширел Боже слово.

З тей шветочней нагоди, за памятку обнови церковного будинка у церкви положена пригодна плоча.

Кирбай вирним повинчовал домашнї парох о. Дарко Рац, хтори означує и дзешецрочнїцу священїческого поволаня и з тей нагоди вирни достали обращики.

На Служби Божей була и народна посланїца у Скупштини Сербиї Олена Папуґа, Ирина Папуґа, спред Дружтва за руски язик, литературу и културу, представнїки валалскей и општинскей власци, а после Служби Божей бул обход коло церкви зоз читаньом Євангелийох.

ПОВЯЗАНИ ТЕКСТИ