ПИШКОРЕВЦИ (ГОРВАТСКА) – На ютре, 21. октобра, у Пишкоревцох у Горватскей будзе пошвецена обновена грекокатолїцка церква св. Димитрия, а у рамикох означованя 240-рочнїци Крижевского владичества.
Архиєрейску Службу Божу на 11 годзин и церемонию пошвецаня будзе предводзиц крижевски владика Никола Кекич, вєдно з 20 священїками грекокатолїцкого и римокатолїцкого обряду.
Пополадню у Доме култури у Пишкоревцох будзе и културна програма, на хторей участвую ансамбли Союзу Русинох Републики Горватскей з Вуковару, Петровцох, Миклошевцох, Винковцох, Раєвого Села и КУД „Зора” з Пишкоревцох.
Покровитель шветочносци Крижевске владичество, Город Дяково и городоначлнїк Марин Мандарич, Месни одбор Пишкоревци и Союзу Русинох Републики Горватскей.