КУПИНОВО/ОБЕДСКА БАРА – Школярка трецей класи рускокерестурскей Ґимназиї Ясна Медєши лидерка тогорочного двацетого Медзинародного волонтерского еколоґийного кампу „Обедска бара”.
Капм пошвецени очуваню и формованю природного бивальнїка за рижни мочарни птици хтори тераз там нєт, а дакеди ту пребували, и за загрожени и числово зменшани птици. Волонтере розчисцую терен и правя влажни пажици и отворени водово поверхносци, хтори предусловиє за врацанє птицох.
На Кампу того року участвую дзешецеро волонтере з иножемства и штверо зоз Сербиї, а помагаю им числени волонтере з општини Печинци. Вєдно з Медєшову, лидер Кампу и Стефан Младенович.
Капм орґанизую Млади виглєдоваче Сербиї и локалне Здруженє гражданох „Желєни погляд”, а з потримовку Министерства младежи и спорту, Покраїнского секретарияту за урбанизем и защиту животного штредку, Општини Печинци, ЯП „Войводина лєси” и Покраїнского заводу за защиту природи.