СЕЧАНЬ – На Покраїнскей смотри рецитаторох у Сечню, хтора почала нєшка, и тирва по соботу, 23. априла, участвую аж 15-еро рецитаторе з кулскей општини у трох возростох.
Нєшка у конкуренциї младшого возросту на найвисшим змаганю рецитаторох у Войводини наступя Александра Ковиянич и Миляна Митрич з Кули и Ребека Семан з Руского Керестура, а на ютре, у конкуренциї штреднього возросту Тара Божович, Лїляна Кнежевич и Исидора Нинков з Кули, Владица Кляїч з Червинки и Матей Шепински з Руского Керестура.
У старшим возросту, на соботу, 23. априла, з кулскей општини на Покраїнскей смотри наступя Уна Апрцович, Неманя Ковиянич, Стефан Ковиянич, Анастазия Тешанович и Сузана Тошич з Кули, та Тимеа Будински и Леонтина Штефанко з Руского Керестура.
На Покраїнску смотру ше пласовали и Александар Планкош и Мирослав Малацко з Руского Керестура, котри того року рецитую за Руски културни центер з Нового Саду.