СРИМСКА МИТРОВИЦА/ТРЕВИЗО (ИТАЛИЯ) – Школярка 3. класи Музичней школи „Петар Кранчевич“ Анастасия Будишин зоз Сримскей Митровици освоєла треце место на Медзинародним змаганю школярох музичних школох у Тревизу, у италиянскей покраїни Венето.
Змаганє з назву „Млади музичаре – Город Тревизо” отримане од 17 по 19. април, а з Митровици участвовали три школярки, медзи нїма и Анастасия Будишин, котра треце место з граня на клавиру освоєла у категориї дзецох народзених 2004. року. У тей катеґориї на змаганю участвовали и школяре з Италиї, України, Македониї и Польскей.
Анастасия клавир учи у класи проф. Mарґарити Вуйович, а тиж є и шпивачка у дзецинскей ґрупи „Руски гвиздочки” Подручней канцелариї Националного совиту Руснацох у Сримскей Митровици.
И з тоту награду Анастасия потвердзела свойо успихи у 2014. и 2015. року – перши места на фестивалох и змаганьох на клавиру у Сримскей Митровици, Зренянину и Београдзе.