РУСКИ КЕРЕСТУР – Зоз Явного комуналного подприємства „Руском” обвисцели гражданох Руского Керестура же у наиходзацим периодзе буду орезовац конари по валалє пре лєгчейши преход камиона за одвоженє шмеца.
Конари ше будзе орезовац у шлїдуюцих улїцох: Дюри Кишюгаса, Владимира Гнатюка, Брацох Бильна, Русинска (прейґ мосцика дзе Кирбай), Шайкашского одряду, Петра Кузмяка (гиподром), Роботнїцка, Сримского фронта (Нове населєнє), Йовґена Сопку, Войводянских бриґадох и Орос Ґабра.
Орезованє и зберанє конарох оконча заняти у ЯКП „Руском”, а як наведзене у обвисценю, порезане древо шлєбодно можу вжац и валалчанє.