СЕРБИЯ – Министерство польопривреди, лєсарства и водопривреди обявело упутства за правданє средствох котри вяри виплацени польопривредним ґаздовством як основни субвенциї у рошлїнскей продукциї за 2026. рок.
Обовязка правданя средствох ше запровадзує по першираз на таки способ, того року годно правдац и зоз рахунками котри нє глаша на ПҐ, достаточно кед ше унєше ПФР число рахунка, а подрозумює ше правданє зоз рахунками на котрих як купец назначене ПҐ.
Правданє субвенцийох мож поробиц виключно на опциї „Правданє средстава” у рамикох уж поднєшеней вимоги за тоти субвенциї на порталу еПодстицаї. Рахунки на котрих уж єст назначене ПҐ, ЄМЧГ, або МЧ як купца, ше уж автоматски находза там, лєм их потребне означиц, док за фискални рахунки на котрих нєт тото назначене потребне унєсц ПФР число и час видаваня рахунка.
Кед же ше средства оправдує за купованє репроматериялу на велько, потребне приложиц и електронску фактуру у XML формату.
Прилаплїви рахунки за купованє нашеня, пресади, минералних гнойох, и средствох за защиту рошлїнох котри реалзиовани у периодзе од 1. авґуста 2025. року по 31. юлий 2026. рок. Рахунки годно приложиц и после 31. юлия, алє нє шму буц видати после того датума.
Обовязка правданя субвенцийох ше запровадзує зоз вимнками Правилнїка о основних субвенцийох у рошлїнскей продукциї зоз цильом же би ше обезпечело наменске трошенє субвенцийох, а ПҐ хтори нє оправдаю потрошени средства, буду мушиц врацац достати субвенциї.
Того року виокремени од з того Правилнїку буду лєм поверхносци дзе ше пестує бетелїна, пажици, ароматични и лїковити рошлїни, як и поверхносци на териториї АП Косово и Метохия.