ДЮРДЬОВ – Танєчно-вокални ансамбл „Кичера“ з Леґници, з Польскей, вчера, 12. авґуста, у Велькей сали Задружного дому у Дюрдьове отримал концерт.
Спред домашнього КУД „Тарас Шевченко“ госцох и шицких присутних привитал Мирослав Чакан, а спред госцуюцого ансамблу Юрко Стрaцински, котри и представел Ансамбл „Кичера“.
Госцуюци ансамбл виведол лемковски танци и шпиванки и успишно тримал увагу присутних вецей як годзину. Публика уживала у богатих хореоґрафийох и народним облєчиве и наградзела виводзачох з моцнима аплаузами.