ДЮРДЬОВ – У 17. колу Подручней фодбалскей лиґи Нови Сад, хторе одбавене 27. марца, фодбалере ФК Бачка 1923 зоз Дюрдьова у Кисачу поражени од домашнєй екипи ФК Татра зоз резултатом 2:1.
Перши ґол на стретнуцу дала Бачка у 18. минути. У першим полчаше Бачка вельо лєпше бавела од домашнєй екипи, алє лабда закончела и у їх ґолу у 37. минути.
Татра у другим полчаше була вельо лєпша. Вецей ше закладала у бависку и то резултовало зоз ґолом пред самим концом, у 87. минуту.
После того кола Бачка и далєй на 7. месце на таблїчки зоз 23 бодами. У шлїдуюцим колу дюрдьовски фодбалере дома дочекую екипу зоз Сримскей Каменїци.