СЕРБИЯ – После реаґованя защитнїка гражданох Сашу Янковича же дискриминовани дзеци народзени после 1. новембра 2014. року, та нє маю право на безплатну вакцину, министер здравя Златибор Лончар наявел вименки предписаньох, та у маю будзе достаточно пейцвалентни вакцини за шицки дзеци.
– Датум 1. новембер 2014. одредзени лєм прето же нє було пенєжи за набавку достаточного количества вакцинох. Тераз ситуация вигоднєйша, та уж у маю у державних апатикох будзе пейцвалентни вакцини за шицки дзеци – гварел Лончар за новини „Данас“.
Окрем защитнїка гражданох, Министерство здравя „прицискали“ и родичи з порталу „Бебац“, котри од министра Лончара вимагали аж и задзекованє пре, як наводзели, дискриминацию дзецох народзених после 1. новембра 2014. року.