РУСКИ КЕРЕСТУР – Вчера почало чисценє банкинох од глїни, по керестурских векших улїцох, у длужини коло 16 километри. Глїну, цо ше назбера, годни достац и гражданє кед дакому потребне за завоженє даяких поверхносцох. Прето ше треба приявиц до ЯКП Руском, лєбо до Месней заєднїци.
По словох директора Рускому Иґора Фейдия, тота значна робота би мала буц окончена у наступних дньох, финансовац ю з найвекшей часци будзе Руском, алє помогнє и Општина.
Праве Општина анґажовала вельку машину ґердер зоз Бачкого Петровцу, хтора за єден дзень окончи роботу, потим шлїдзи зоз рускомовима тракторами позберац глїну и поодвожиц, а на концу и з воду позмивац калдерми и мосцики цо оконча огньогасци ДОД-а.
Гражданє котрим потребне зоз тей глїни у хторей єст и гумусу и каменча, кед ше приявя, будзе им явене кеди и дзе можу присц, та и зоз своїм трактором одвесц себе потребну глїну.