ПЕТРОВЦИ – Вчера пополадню у дружтвеним доме „Соколана” у Петровцох отримани Дзецински бал, хтори уж осми рок орґанизує Рада рускей националней меншини Општини Боґдановци, чийо члени ше остараю за забавни бависка, танєц шерца и томболи.
Уход бул задармо, а на Балє присуствовали числени дзеци и їх родичи, котрих забавял оркестер Звонка Еделинского.
Орґанизаторе пририхтали аж 180 томболи по символичней цени, а главну награду – стол за рахункар, достала Маринела Пап з Петровцох. Другу награду – карсцель на колєска, достала 4-рочна Теа Матанович з Подравскей Слатини, котра була у нащиви родзини у Петровцох.
