МИКЛОШЕВЦИ – Вельку ноц у Миклошевцох, у церкви Рождества Пресвятей Дїви Мариї, преславели числени домашнї вирни з госцами з других часцох Горватскей, як и з Войводини, Анґлиї, Швайцарскей, Нємецкей. Службу Божу на 10,15 годзин служел парох миклошевски и викар славонско-сримски о. Яким Симунович.
О. Симунович пречитал и Вельконоцну винчованку владики крижевского кир Николи Кекича, у хторей, медзи иншим, поведзене же „за каждого щирого вирнїка преславйованє Велькей ноци значи преславйованє нового живота, як спомин на воскреснутого Исуса, котри нас ма виполньовац зоз своїм милосердийом”. З традициїним поздравом „Христос Воскрес!” о. Симунович повинчовал швето присутним вирнїком у мено Церковного одбору, як и особнє.
По Служби Божей у церковней порти пошвецене пасхалне єдзенє, а того року пошвецени коло осамдзешат кошарки з вельконоцнима єдлами.
На Други и Треци дзень Велькей ноци служби Божо у Миклошевцох буду на 10,15 и 19 годзин, а на Треци дзень у службох будзе и мированє.
