ПЕТРОВЦИ – Воскресенє Христово у Петровцох преславене шветочно у церкви и у самим валалє, а того року на шицких богослуженьох була вельо векша нащива вирних як звичайно, окреме дзецох.
Шицки служеня служел петровски парох мр.сц. о. Владимир Седлак, а богослуженя прикрашели и шейсц новим стихари за хлапцох котри послугую паноцови. Стихари зошила панїматка Ивана Седлакова, а материяли за шице купела фамелия Звонка и Ани Рамачових з Петровцох.
После вецей як трицец рокох у церкви знова шпивана писня „Согласно заспиваймо“, за тераз єдина вельконоцна, хтору ше у Петровцох нє шпивало ище з часох дзияка Дюру Медєша.
На саму Пасху запричасцани прейґ 150 особи и пошвецени числени кошарки з пасхалним єдзеньом. На Други дзень Велькей ноци було мированє, а внєдзелю вечар, на Перши дзень швета, домашнє КУД „Яким Гарди“ виведло цаловечаршу програму з нагоди Велькей ноци.
Велька Ноц у Петровцох
