БЕОҐРАД – Прелиминарни резултати о стану у приватизованих медийох указую же власнїки нє почитую обовязку порядного виплацаня заробку своїм занятим, сообщели Нєзависне здруженє новинарох Сербиї (НУНС) и Здруженє новинарох Сербиї (УНС), а предсидатель НУНС Вукашин Обрадович наявел же тото здруженє пририхтує звит о приватизованих медийох, односно о почитованю контрактох о купованю и предаваню.
Ґенерални секретар УНС Нино Брайович гварел же у велїх приватизованих медийох заняти доставаю законски минималєц, плаци пожня по даскельо мешаци, алє роботнїки нє послали нїяки реакциї до Министерства привреди. Дзепоєдни приватизовани медиї нє емитую програму, гоч су нє загашени, а єст и таких хтори наявюю гашенє.
Брайович гварел же лєм у процесу приватизациї одпремнїни вжали коло 1 000 новинаре и медийни роботнїки, а одходза и далєй, понеже нови власнїки нє обезпечую нїяку стабилносц. Вон оценєл же анї найлєпши медиї нє обстаню кед општини и городи нє буду давац два одсто буджету за софинансованє по проєктох.