РУСКИ КЕРЕСТУР – Екипа фодбалерох-ветеранох рускокерестурского Русину всоботу, 10. септембра, на домашнїм Ярашу у приятельским змаганю победзела екипу ветеранох ФК Апатин з 5:1.
Тото змаганє було скорей догварене, як реванш после змаганя у Апатину, так же ветеранє Русину исти дзень нє могли участвовац на СБ „Яша Баков” у Коцуре. Змаганє було и пририхтованє за лиґу ветеранох, за хтору ше Русин пририхтує.
Ґоли за Русин дали Кршич, Кочиш, Медич, Петкович и Ґибулович (з пеналу). Полчас тирвал 35 минути, а судзел Чапко.