ДЮРДЬОВ – У Дюрдьове початком марца почало випитованє положеня поджемней инсталациї у двох улїцох дзе будзе поставени поцискуюци цивовод за канализацию и циви хтори буду повязовац мрежу у Жаблю з пречисцовачом одрутних водох, хтори ше находзи у дюрдьовскей часци хотару воланей Девень.
По законченю випитованя и вибудови єдней часци канализацийней мрежи, у Жаблю почнє поставянє поцискуюцого воду, цо ма буц закончене у юнию.
У першей фази дотераз вибудовани коло 30 одсто канализацийней мрежи у Жабелю и Дюрдьове, за цо потрошени коло 71 милион динари.
Проєкт финасує Управа за капитални укладанє АП Войводини.