Вишол други тогорочни „Руснак”

автор зам
1.3k Опатрене

РУСКИ КЕРЕСТУР – Тих дньох вишло друге тогорочне число глашнїку Рускей матки (РМ) „Руснак” (ч. 23), хторе заинтересовани читателє можу набавиц у Канцелариї РМ у Руским Керестуре и у одборох Матки по наших местох.

У новим чишлє обявени текст о розгварки делеґациї РМ з новима чолнїками Покраїнского секретарияту за културу, явне информованє и вирски заєднїци АП Войводини, огляднуце на (нє)финансованє, односно тогорочне барз зменшане финансованє проєктох з обласци култури и информованя з нашей заєднїци, а часопис звекшого пошвецени пририхтованьом за перши Медзинародни фестивал „Русин филм фест”, хтори будзе самим початком октобра у Шидзе.

З нагоди 35 рокох його творчей роботи, „Руснак” представя подобового уметнїка Владу Нярадия з Вербасу, кандидата РМ за Награду ШР РРЛ „Василь Турок Гетеш”, як и музичну творчосц Владимира Малацка з Керестура, а ту и други прилоги з роботи месних орґанизацийоих РМ.

И друге тогорочне число глашнїку РМ „Руснак” вишло з финансийну потримовку Министерства култури и информованя Влади Сербиї.

ПОВЯЗАНИ ТЕКСТИ