ДЮРДЬОВ – На Вилїю по юлиянским календаре у грекокатолїцкей церкви Рождества Пресвятей Богородици у Дюрдьове були два служби – на 9 и 17 годзин, а Саночне на 22 годзин служел о. Борис Холошняй з Бечу.
Шпивали члени фамилиї Холошняй, вєдно з дюрдьовским парохом о. Йоакимом Холошняйом и ґосподїнским парохом о. Михаилом Холошняйом, та дюрдьовским вироучитель Данилом Задрепком.
Вчера, на Перши дзень Крачуна служени два служби Божо, а так будзе и нєшка (на 9 и 17 годзин), а на ютре, на Треци дзень Крачуна, у Дюрдьове наш апостолски еґзарх, владика Георгий будзе предводзиц Архиєрейску Службу Божу, хтора почнє на 9 годзин.