Вода забранєна за хаснованє

автор люд/зам
857 Опатрене

ЛИПАР/КУЛА – З одлуку санитарного инспектора Оддзелєня за санитарну инспекцию зоз Зомбора, од вовторку, 3. марца, вода з водоводу у Липару, у кулскей општини, забранєна за хаснованє – и за пице и за гиґиєну. Воду забранєне хасновац пре присуство бактерийох фекалного походзеня, цо утвердзене з микробиолоґийну анализу у Заводзе за явне здравє, а до заґадзеня пришло пре вельки поджемни води.

Месна заєднїца Липар превжала шицки зоз законом утвердзени мири, потвердзене на схадзки Штабу за позарядово ситуациї Општини Кула. Липарчанє начас обвисцени о нєисправносци води, такой окончене и дезинфикованє водоводней мрежи и плоканє системи, а подмирйованє з воду орґанизоване з цистерни у центре места.

Попри тим, Општински штаб шицких компетентних упутел на преберанє мирох за охрану од високих поджемних водох у кулскей општини.

 

ПОВЯЗАНИ ТЕКСТИ