КОЦУР – Тих дньох у Коцуре пребуваю двоме члени орґанизациї „Помоц восточней европи” з Голандиї Вилко тен Хаве и Марсел Морсинґ, як представителє компаниї „Максґрип”, хтора у Коцуре и околїску будзе финансовац даскельо гуманитарни акциї.
У рамикох тих акцийох вчера почало мальованє мура коло дзецинскей заградки, а у Основней школи „Братство єдинство” пошвидко будзе монтировани електронски бернчок, як и розглас у школским голу.
Попри тим, плановане и реновиранє фасади Євангелскей церкви и подобни акциї у сушедних местох.
Двом голандским волонтером у акциї помагаю парохиянє Євангелскей церкви, на чолє з лаицким пастором Александром Суботином, як и людзе добрей дзеки.
