Голандянє коцурскей Школи подаровали опрему за надпатранє

автор тах
948 Опатрене

КОЦУР – Вчера коцурску Основну школу „Братство єдинство” нащивели донаторе зоз Гардевайку у Голандиї, представителє компаниї „Бетеком”, котри обезпечели средства за сучасну опрему за видео-надпатранє Школи.

Директор спомнутей компаниї Нико Ухеи и члени делеґациї ше пришли прешвечиц же роботи хтори окончени предходни днї поробени на одвитуюци способ и були задовольни з резултатом.

Коцурска Школа после тей значней донациї опремена зоз 16 новима и двома старима камерами за видео-надпатрунок, та рефлекторами на дзепоєдних местох дзе поставени камери и тераз ма найсучашнєйшу таку опрему у околїску. Донация вредна коло 8 000 тисячи еври.

Сотруднїцтво з компанию „Бетеком” витворене прейґ Александра Суботина, лаицкого пастора Євангелскей церкви у Коцуре, а сотруднїцтво будзе предлужене уж того лєта, кед волонтере з Голандиї  у школским дворе направя учальню на отвореним.

 7-Kameri-02

ПОВЯЗАНИ ТЕКСТИ