БЕОҐРАД – Уния синдикатох просвитних роботнїкох Сербиї и Синдикат роботнїкох у просвити Сербиї з Министерством просвити нє подписали Спорозуменє о претаргованю штрайку, прето же вимагаю дополнююци ґаранциї.
Министер просвити Срдян Вербич гварел же ше понукнуте Спорозуменє, хторе нєдавно подписали два синдикати, нє будзе меняц, та прето за тераз медзи Министерством и синдикатами хтори штрайкую нє пришло до догварки, преноши Бета.
Два синдикати наявели же 17. марца орґанизую протест у Беоґрадзе, на дзень кед будзе точно штири мешаци як започал штрайк у просвити.